Адрас райвыканкама:
222531 Мінская вобласць, г. Клецк, пл. Маякоўскага, 10

Тэлефон прыёмнай:
(8-01793) 50-4-87

Факс: (8-01793) 50-6-39

E-mail: isp@kletsk.gov.by


Адзіны тэлефонны нумар
даведачнай службы "Адно акно":

142
Уязны знак у горад
Уязны знак у горад
Галоўная / Навіны / Навіны раёна

Навіны раёна

6 снежня 2019
7 снежня 2019 года адбудзецца прамая тэлефонная лінія з кіраўніком справамі Клецкага раённага выканаўчага камітэта Сёмухай Васілём Васільевічам. Па нумары 56 0 27 жыхары раёна могуць задаць хвалюючыя іх пытанні з 9.00 да 12.00 гадзін.
5 снежня 2019
З 2015 года ў Беларусі дзейнічае мера доўгатэрміновай падтрымкі – сямейны капітал. Права на яго прызначэнне і аднаразовую выплату дае нараджэнне ў сям'і трэцяга і наступнага дзіцяці.

Нагадаем, што праграма сямейнага капіталу была разлічана на 5 гадоў, яе дзеянне заканчваецца 31 снежня 2019 года. Аднак, выдатная навіна для бацькоў – у верасні бягучага года ўрад краіны прыняў рашэнне аб прадаўжэнні праграмы на 2020 – 2024 гады. Цяпер шматдзетныя бацькі пры нараджэнні (усынаўленні) трэцяга і наступных дзяцей змогуць разлічваць на атрыманне 22,5 тысячы рублёў. І гэта не адзінае станоўчае новаўвядзенне. Некаторыя з іх датычацца і тых сем'яў, якім ужо прызначылі сямейны капітал.
2 снежня 2019
Новы год – адзін з самых любімых святаў у дзяцей і дарослых. Але нават падчас святочнай весялосці не варта забываць пра бяспеку. Каб калядныя і навагоднія святы не былі азмрочаны пажарамі і іншымі надзвычайнымі сітуацыямі, выратавальнікі нагадаюць і раскажуць аб правілах у акцыі «Бяспечны Новы год!». 

На першым з іх – з 2 па 6 снежня – работнікі МНС наведаюць тэрытарыяльныя цэнтры сацыяльнага абслугоўвання насельніцтва, дома ветэранаў і інвалідаў, дзе пагавораць з людзьмі сталага ўзросту, а таксама санаторыі, дзе адпачывае дадзеная катэгорыя грамадзян. Другі этап акцыі запланаваны на перыяд з 9 па 17 снежня. Мэтавай аўдыторыяй стануць навучэнцы школ, дамоў-інтэрнатаў, а таксама сем'і, у якіх дзеці знаходзяцца ў сацыяльна небяспечным становішчы. На трэцім этапе – з 18 па 24 лістапада – у месцах продажу піратэхнічных вырабаў з'явяцца Пажарны Дзед Мароз, Снягурка і іншыя казачныя персанажы, якія нагадаюць пакупнікам хлапушак, феерверкаў і петард пра магчымыя наступствы падобных «забаў». На гэтым жа этапе дэсант бяспекі «прызямліцца» на лядовыя каткі і арэны. Чацвёрты, фінальны этап, стане традыцыйна самым масавым і пройдзе з 26 па 31 снежня. Лакацыяй стануць месцы масавага знаходжання людзей Запрашаем усіх прыняць удзел у акцыі і правесці святы не толькі цікава, але і бяспечна! 
28 лістапада 2019
Урачыстае закрыццё трэцяга працоўнага семестра прайшло 27 лістапада ў Мінску. На мерапрыемстве ўшаноўвалі лепшыя студэнцкія атрады Міншчыны і прымаючыя іх арганізацыі. Прадстаўнікі Клецкага раёна былі прызнаны лепшымі ў некалькіх конкурсах. Так, тэрытарыяльны штаб...
26 лістапада 2019
23 лістапада 2019 года ў Палацы культуры "Мінскага трактарнага завода" танцавальны калектыў "Імправізацыя" Клецкага цэнтра дзіцячай творчасці прыняў удзел у XIII рэспубліканскім конкурсе танцавальнага мастацтва "DANCE POWER" у чатырох узроставых катэгорыях.

Па выніку ўдзелу ў конкурсе калектыў удастоены чатырох дыпломаў: дыпломам I ступені ўзнагароджаны ўдзельнікі ва ўзроставай катэгорыі 6-8 гадоў у намінацыі «Народны танец» за нумар «Земляничка», ва ўзроставай катэгорыі 16 гадоў і старэй – у намінацы « сучасная харэаграфія» за нумар «Неравнодушие». 
25 лістапада 2019
23 лістапада 2019 года ў Нацыянальным цэнтры мастацкай творчасці дзяцей і моладзі адбылася ўрачыстая цырымонія ўзнагароджання пераможцаў і прызёраў Рэспубліканскай выставы-конкурсу дзіцячай творчасці «АрхНавацыя – 2019».

Навучэнцы Клецкага раёна былі ўзнагароджаны дыпломамі і памятнымі сувенірамі. У намінацыі «Мастацкая фатаграфія» Байрашэўскі Аляксандр узнагароджаны дыпломам I ступені, Сянькевіч Крысціна ўзнагароджана дыпломам III ступені. Дзеці – навучэнцы аб'яднання па інтарэсах «Мастацтва бачыць» ДУДА «Клецкі цэнтр дзіцячай творчасці», педагог Кірык Кацярына Анатольеўна. У намінацыі “Архітэктурнае макетаванне” Папко Ягор узнагароджаны дыпломам III ступені. Ягор – навучэнец аб'яднання па інтарэсах «Цудоўныя фарбы» ДУА «Азярэчанская сярэдняя школа Клецкага раёна», педагог Папко Таццяна Пятроўна.
22 лістапада 2019
Стартаваў Рэспубліканскі маладзёжны праект ГА «БРСМ» «100 ідэй для Беларусі». Рэгіянальны этап адбыўся 21 лістапада ў Стоўбцах. Школьнікі Клецка змагаліся за выхад у абласны этап з вучнямі з суседніх раёнаў-Нясвіжа, Капыля, Стоўбцаў і Узды. 

Нашы юныя даследчыкі прадставілі працы «Сінтэз біяраскладальнага палімера на аснове крухмалу пладоў каштана конскага» (Яніна Гадун, ДУА «Клецкая сярэдняя школа №2»), «Дзікія зараснікі або перспектыўныя макрафіты Клецкага раёна» (Максім Лешык і Алеся Пашкоўская, ДУА «Гімназія г.Клецка»). У наступны, абласны этап праекта «100 ідэй для Беларусі» прайшоў праект клецкіх гімназістаў.
20 лістапада 2019

Штогод па ініцыятыве Міжнароднага саюза па барацьбе з ракам ў трэці чацвер лістапада праводзіцца Сусветны дзень некурэння. У 2019 годзе Сусветны дзень некурэння прысвечаны прафілактыцы анкалагічных захворванняў, бо па дадзеных Міжнароднага саюза па барацьбе з ракам (UICC) 30% усіх выпадкаў смерці ад раку звязаныя з праблемай тытунекурэння. Скарачэнне спажывання тытуню толькі напалову дасць магчымасць захаваць 170 мільёнаў жыццяў да 2050 года.


Рэспубліканская антытытунёвая інфармацыйна-адукацыйная акцыя, ініцыяваная Міністэрствам аховы здароўя Рэспублікі Беларусь, праводзіцца ў гэтыя дні – з 18 па 21 лістапада 2019 года.

16 лістапада 2019
17 лістапада – Дзень работнікаў сельскай гаспадаркі і перапрацоўчай прамысловасці аграпрамысловага комплексу.

Усім працаўнікам Клеччыны - словы шчырай ўдзячнасці і віншаванні! Усім тым, хто апрацоўвае палі, прыбірае ўраджай, працуе на фермах і перапрацоўчых прадпрыемствах, хто любіць сваю зямлю і добрасумленна працуе на карысць свайго рэгіёну і роднай краіны. Няхай уменне выкарыстоўваць наяўныя рэсурсы, беражлівыя і рацыянальнае вядзенне работ на зямлі, мабілізацыя ўсіх сіл для дасягнення пастаўленых мэтаў, застаюцца галоўнымі прыярытэтамі. 
Жадаем усім работнікам аграпрамысловага комплексу Клецкага раёна моцнага здароўя, невычэрпнага запасу бадзёрасці і аптымізму, сямейнага цяпла і дабрабыту, міру і дабра на доўгія гады.
14 лістапада 2019
Папулярны галіновы агляд якасці "СМАКАТА" прыняў сёлета каля 40 беларускіх прадпрыемстваў, якія прадставілі больш за 230 узораў прадукцыі.  Прадукцыя Клецкага вытворча-харчовага завода атрымала гран-пры і тры залатыя медалі традыцыйнага рэспубліканскага агляду...