Палац пабудаваны ў стылі класіцызму. У пачатку 20 ст. рэстаўрыраваны пасля пажару 1909 г. Спалучае традыцыі драўлянага дойлідства з каменным. Будынак аднапавярховы прамавугольны ў плане, 50,4х16,8 м. Пад будынкам – скляпеністыя падвалы.

У палацы да 1963 г. размяшчалася школа 7-годка ;
з 1960 па 1976 г. – размяшчаліся клуб, дзіцячы сад і бібліятэка.

У 1985 г. і ў 1991г. у будынку здарыўся пажар.

Паркавы масіў займае паўднёва-заходнюю частку былой сядзібы. У плане парк мае форму прамавугольніка, да якога з поўдня дамыкае сад , а з паўночнага боку яго агібае канал.

Адпаведна рысам стылю парк пры палацы фарміруецца ў выглядзе натуральнага ландшафта, ён паўкальцом абкружае палац.

Планіровачна парк падзелены на 3 зоны: парадны партэр перад палацам, пейзажны ўчастак перад вадаёмам і аддалены заходні ўчастак з сістэмай курцін.

Вадаёмы вузкія, натуральнай формы, маляўніча ахопліваюць сядзібу з паўночнага і паўночна-усходняга боку.